رمضان المبارک میں قیام کے لئے 15 شعبان کے بعد سے ہی مہمان تسبیح خانہ آنا شروع ہو گئے۔ شیخ الوظائف کی طرف سےتسبیح خانہ میں مہمانوں کے قیام کا بہترین انتظام کیا گیا،جہاں 24گھنٹے بلا تعطل بجلی و پانی اور سحری و افطاری کا پر تکلف اور کشادہ انتظام بالکل مفت تھا۔ خواتین کے لئے علیحدہ با پردہ بلڈنگ میں قیام کا انتظام تمام تر سہولیات کے ساتھ کیا گیا۔ سحری اور افطاری میں لذیذ کھانوں سے مہمانوں کی تواضع کی جاتی رہی جس میں کھجور، شربت، پکوڑے، سموسے،پھل، دیسی گندم کے آٹے کی روٹی،پراٹھے ، دہی ،قورمہ،بریانی،نہاری،پائے، زردہ،اور چائے شامل ہیں۔ہزاروں کی تعداد میں مر دو خواتین نے تسبیح خانہ میں رمضان گزار کر قسمت کے بند دروازے کھلوائے ۔ یکم رمضان سے چاند رات تک روزانہ شیخ الوظائف کی روحانی محافل بعد نماز تراویح اور بعد نماز فجر آن لائن عبقری سوشل میڈیا پر بھی نشر کی جاتی رہیں تاکہ پوری دنیا میں موجود مخلصین بھی تسبیح خانہ کے خاص مقبول اعمال میں شامل ہو سکیں ۔روزانہ بعد نماز تراویح ہونے والی روحانی محفل میں دلی مرادیں پانے اور خوشحال زندگی گزارنے کے لئے "حروف تہجی کا نقش" ، "تونگری کشکول"، مجرمانہ حاضری" بعدنما ز فجر محفل کے آخر میں روحانی امراض، جادو جنات بندشوں سے چھٹکارا پانے کے لئے "بندش توڑ لاہوتی عمل" کے طاقتور روحانی اعمال کروائے گئے۔محفل کے بعد مقیم حضرات کو شیخ الوظائف سے براہ راست سوال کرنےکا موقع ملتا اور شیخ الوظائف روحانی و جسمانی مسائل کا آسان حل عنایت فرماتے۔ روزانہ آفیشل عبقری یو ٹیوب چینل پر شیخ الوظائف کا کالنگ پروگرام 30روزے30مرادیں براہ راست نشر کیا جاتا جس میں ساری دنیا سے مخلصین فون کال کے ذریعے شیخ الوظائف سے اپنے جسمانی روحانی مسائل کا حل پوچھتے۔ پہلی مرتبہ شیخ الوظائف نے تسبیح خانہ میں مقیمین کو "صلوٰۃ کن فیکون" کا حیرت انگیز عمل عطا فرمایا۔ رمضان میں عبقری ٹرسٹ کے زیر اہتمام ہزاروں راشن باکس اور گھریلو ضروریات کے بیگ کنٹینر بھر کر پسماندہ علاقوں میں روانہ کیے گئے۔
دوسرا عشرہ تسبیح خانہ کے مقیمین پر نعمتوں کی بارش : گیارہویں اور بارہویں روزے کی درمیانی شب کو شادی کے لئے بارہ نوافل کا عمل ہوا جس کو کرنے کے لئے پورے ملک سے مخلصین کاجم غفیر آیا۔ اس کے علاوہ خوشگوار زندگی پانے کے لئے بخت بلند چھلہ‘سبز کپڑے/کاغذ اور پتاشوں والا میٹھا پانی پلایا گیا اور اس کا خاص عمل بھی کروایا گیا۔ تیرہویں، چودھوں اور پندرہویں شب کو تسبیح خانہ میں "ایام بیض "کا عمل ہوا۔14 رمضان المبار ک کو تسبیح خانہ میں چاند گرہن اور آخری عشرہ میں سورج گرہن کے اعمال کروائے گئےجن کا کمال گمان سے بالاتر ہے۔ 17 ویں شب :تسبیح خانہ میںاسمائے اصحاب بدریینؓ کاصدیوں سے آزمودہ عمل ہوا‘دعائے کمیل سنائی گئی ‘الائچی والا عمل بھی ہوا جس نے کیا غیبی مدد کا انوکھا نظام ملا۔اسی شب شیخ الوظائف نےخاص روحانی اعمال کی تاثیر ان مخلصین کو بخشی جنہوں نے عبقری کے لئےاپنے آزمودہ طبی و روحانی تجربات لکھے۔مخلصین کےاصرار پر شیخ الوظائف نے ستائیسویں شب تک مزید تحریریں لکھنے کی اجازت دی اور پھر انہیں بھی طاقتور روحانی اعمال کی تاثیر بخشی ۔رمضان المبارک میں شیخ الوظائف نے بچوں سے دعا پر’’ آمین‘‘ کہلوانے کا انوکھا عمل کروایا ۔رمضان کی18 سے 20شب تک شیخ الوظائف نےسر کے اوپر سے تسبیح گھما کر حفاظت کے حصار کا عمل کروایا ۔
تیسرا عشرہ تمام بیماریاں ، روگ اور جادو جنات بہا کر لے گیا: جادو اور بیماریوں سے نجات کیلئےرمضان المبارک کی 21 ویں شب کو تسبیح خانہ میں "بیری کے پتوں اور روئی والا عمل ہوا۔ 23 ویں شب: صحت اور عرشی حفاظت پانے کے لئے گُڑ کی ڈلی ‘ناخن اور بالوں پر عمل ہوا۔ 25 ویں شب: لا علاج روگوں سے نجات پانے کیلئے جھاڑو کا عمل ہوا ‘دم شدہ پانی ‘تیل اور برکتی نوٹ بھی تقسیم کیا گیا۔ 27 ویں شب ـ: تسبیح خانہ میںختم القرآن کی محفل ہو ئی اور روحانی پیکیجز کروائے گئے، پورے ملک سے مجمع خاص اس رات کے اعمال میں شامل ہو کر اپنے آنے والی نسلوں کے لئے رزق، عزت،حفاظت، برکت ، بخت اور تخت منوا گیا‘ اسی رات تسبیح خانہ میں پورا ماہ قیام کرنے والوں میں بذریعہ قرعہ اندازی خضری تعویز تقسیم کیا گیا ۔29 ویں شب :"آیت کریمہ " کا خصوصی عمل ہوا جس نے سارے رمضان کے اعمال اور رحمتوں کو ہمیشہ کے لئے مقبول بنوا دیا۔ لیلۃ الجائزہ میں جب چاند نظر آنے کا اعلان ہوا تو حضرت دامت برکاتہم منبر پر تشریف لائے اور مجمع کے لئے رقت آمیز، سسکیوں بھری اور اللہ کی رحمت کے سمندر کو متوجہ کر دینے والی وجدانی دعا کروائی ۔ اعتکاف سے واپس جانے والوں کوگلاب کے پھولوں کی دم شدہ پتیاں دی گئیں اور شیخ الوظائف کے خلفاء نے اعتکاف کر کے جانے والوں کو مبارکباد دیتے ہوئے روانہ کیا۔شیخ الوظائف کے صاحبزادےپیر شبلی عبقری نے لیلہ الجائزہ میں " یا تواب یاکریم" کا مقبول ترین عمل اجتماعی کروایا ، یہ عمل لائیو نشر کیا گیا۔عید الفطر کی نماز سے پہلے حضرت دامت برکاتہم کی روحانی محفل ہوئی اور آپ کے صاحبزادے پیر رومی عبقری نے 6 بجےعید کی نماز پڑھائی ۔